သတင်း

 

ဒေါ်အောင်ဆန်းစုကြည်ကို အမေရိကန်လွှတ်တော် ရွှေတံဆိပ်ဆု ဇွန်လမှာ ပေးအပ်မည်

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို အမေရိကန် လွှတ်တော်တရပ်လုံးက ဂုဏ်ပြုချီးမြှင့်ထားတဲ့ ၂၀၀၈ ခုနှစ်

(Congressional Gold Medal) လွှတ်တော်ရဲ့ရွှေတံဆိပ်ဆုကို လာမယ့် ဇွန်လ ၂၀ ရက်နေ့မှာ


အခမ်းအနားနဲ့ ပေးအပ်မှာ ဖြစ်တယ်လို့ အောက်လွှတ်တော် အမတ် Nancy Pelosi ရုံးက ဒီကနေ့ ပြောပါတယ်။

၂၀၁၂ ခုနှစ် မတ်လ ၆ ရက်က နေပြည်တော် တွင် အမျိုးသားဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည် မ်ိန့်ခွန်းပြောကြားနေစဉ်။

ဒီအခမ်းအနားအတွက် အောက်လွှတ်တော် ဥက္ကဋ္ဌ John Boehner ရုံးက စီစဉ်ဆောင်ရွက်မှာ ဖြစ်ပါတယ်။ ဒေါ်အောင်ဆန်းစုကြည် ကိုယ်တိုင်


အခမ်းအနား တက်ရောက်ဖို့ ရှိမရှိ ဆိုတာကိုတော့ တရားဝင် မထုတ်ပြန်သေးပါဘူး။


ဧပြီလ ၁ ရက်နေ့က ကျင်းပပြီးစီးခဲ့တဲ့ ကြားဖြတ် ရွေးကောက်ပွဲမှာ ဒေါ်အောင်ဆန်းစုကြည်နဲ့ NLD ပါတီ


ကိုယ်စားလှယ်တွေကို ပြည်သူတွေက ရွေးချယ် တင်မြှောက်ခဲ့တာဟာ မြန်မာပြည်ရဲ့အနာဂတ် ပိုပြီးကောင်းမွန်လာဖို့ အဆင့်တစ်ဆင့်


တက်လှမ်းနိုင်ခဲ့တာ ဖြစ်တယ်လို့ အောက်လွှတ်တော်အမတ် Ms. Nancy Pelosi


ရဲ့ မြန်မာ့ ရွေးကောက်ပွဲနဲ့ပတ်သက်တဲ့ ကြေညာချက်မှာ ဖော်ပြထားပါတယ်။


ဒါ့အပြင် မြန်မာပြည်က ပြုပြင်ပြောင်းလဲရေးမှာ သမ္မတ အိုဘားမား အစိုးရရဲ့ ၀ိုင်းဝန်း ကြိုးပမ်းအားထုတ်မှုတွေကိုလည်း လွှတ်တော်အနေနဲ့


အသိအမှတ်ပြုကြောင်း ရေးသားထားပါတယ်။


မြန်မာအစိုးရအနေနဲ့ အပြောင်းအလဲ တကယ်လိုလားတယ် ဆိုတာကို ပြသတဲ့အနေနဲ့ ကျန်နေသေးတဲ့ နိုင်ငံရေး အကျဉ်းသားအားလုံး


လွှတ်ပေးဖို့၊ သတင်းမီဒီယာနဲ့ အင်တာနက်သုံးစွဲမှုမှာ အကန့်အသတ်တွေကို အဆုံးသတ်ဖို့နဲ့ တိုင်းရင်းသား ဒေသတွေက လက်နက်ကိုင်


တိုက်ပွဲတွေ ရပ်ဆိုင်းဖို့၊ စစ်မှန်တဲ့ ပြန်လည် သင့်မြတ်ရေးကို အကောင်အထည်ဖော် ဆောင်ရွက်ဖို့ စတဲ့အချက်တွေကို အောက်လွှတ်တော်


အမတ် Nancy Pelosi က ကြေညာချက်မှာ တိုက်တွန်းသွားပါတယ်။.....။

DKBA ကလို့ထူးဘောမှ နိုင်ငံရေးKKO ဖွဲ့စည်း

ဗုဒ္ဓဟူးနေ့၊ ဧပြီလ 04 ရက် 2012 ခုနှစ် ကေအိုင်စီ သတင်း - ကေအိုင်စီ

ကရင်ပြည်နယ်၊ မြ၀တီမြို့နယ် ဆုံဆည်းမြိုင်ကျေးရွာ၊ သူးမွဲခီးဘုန်းတော်ကြီးကျောင်းတွင် တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA)ကလို့ထူးဘောအဖွဲ့မှ ဦးစီးကျင်းပသည့် လူထုအစည်းအဝေးတွင် ကလို့ထူးဘော ကရင်အစည်းအရုံး(KKO) အား ယမန်နေ့က စတင် ဖွဲ့စည်းလိုက်သည်။

ဧပြီလ ၁ရက်နေ့မှ ၂ရက်နေ့အထိ ကျင်းပပြုလုပ်သည့် ၎င်းလူထုအစည်းအဝေးသို့ တက်ရောက်လာသည့် ဘာသာရေးခေါင်းဆောင်များ၊ ကရင်နိုင်ငံရေးအဖွဲ့များမှ ကိုယ်စားလှယ်များ၊ ရဟန်းရှင်လူနှင့် စစ်ဘက်ဆိုင်ရာ တပ်မှူးတပ်သားများက ဖွဲ့စည်းပုံများရေးဆွဲပြီး ယခုလို ဖွဲ့စည်းလိုက်ခြင်းဖြစ်သည်။

၎င်း KKOအဖွဲ့အား ဥက္ကဌအဖြစ် မန်းရောဘတ်ဇန်၊ ဒု-ဥက္ကဌ ဗိုလ်ချုပ်မိုရှေး၊ အထွေထွေအတွင်းရေးမှူး စောဂုဏ်အောင်၊ တွဲဘက်အ တွင်းရေးမှူး(၁) နော်ကော်သူးလေလားဖိုး၊ တွဲဘက်အတွင်းရေးမှူး(၂) ဗိုလ်မှူးလုံ့လုံနှင့် ဌာနဆိုင်ရာတာဝန်ခံ ၁၄ဦးဖြင့် ရွေးကောက်တင် မြှောက်ခဲ့သည်ဟု KKO က ပြောသည်။

KKO အဖွဲ့၏ တွဲဘက်အတွင်းရေးမှူး (၂)ဗိုလ်မှူးလုံ့လုံက “ကလို့ထူးဘောတပ်က ရှိတုန်းပါပဲ။ သို့သော် တပ်နဲ့ လက်တွဲရမဲ့ အဖွဲ့အစည်း ရှိရမယ်။ အဲဒီအဖွဲ့အစည်းက လွှတ်တော်မှာ နိုင်ငံရေးအရ သွားရောက်ဆွေးနွေးဖို့ ဖြစ်လာမယ်ဆိုရင် အဆင်သင့်ဖြစ်အောင် ဒီ KKO အဖွဲ့အစည်းကို ကျနော်တို့ ဖွဲ့စည်းလိုက်တာပါ”ဟု ပြောသည်။

KKO အဖွဲ့အား ဦးဆောင်ကြီးကြပ်ရန် ဆရာတော် ဦးသုဇန၊ ရမ်ဘိုဆရာတော်၊ အရှင် ဦးဣန္ဒက၊ ရဟန်းတော် ဦးစန္ဒိမာ၊ သိက္ခာတော်ရ ဆရာတော် Rev.Fr.Mahn Justin၊ သိက္ခာတော်ရ ဆရာတော် စောသာဝါး၊ သိက္ခာတော်ရ ဆရာတော်အယ်ဒါး၊ ဗိုလ်ချုပ် စောလားပွယ်၊ မန်းသာစိန်နှင့် ဒုဗိုလ်မှူးကြီး စောဖောဒို၊ ဖူးနော်ဝေး(စောမောသို)တို့အား ရွေးကောက်တင်မြှောက်ခဲ့သည်ဟု အစည်းအ ဝေးအပြီးတွင် KKOမှ ထုတ်ပြန်ကြေညာခဲ့သည်။

KKO အဖွဲ့သည် ကရင်အမျိုးသားအစည်းအရုံး(KNU)အား မိခင်အဖွဲ့အစည်းအဖြစ်ခံယူပြီး ကရင်အမျိုးသားခေါင်းဆောင် စောဘဦးကြီး၏ မူ(၄)ချက်ကို ခိုင်မြဲစွာဆွဲကိုင်ကာ ကရင်အမျိုးသားများ၏ ဂုဏ်သိက္ခာ၊ ကရင့်တန်ဖိုးနှင့် ကရင်အမျိုးသား လက္ခဏာများကို ထိန်းသိမ်းကာ ကွယ်စောင့်ရှောက်သွားမည်ဟု ထုတ်ပြန်ချက်တွင် ဖော်ပြထားသည်။

 ထို့အပြင် တန်းတူရေးနှင့် ကိုယ်ပိုင်ပြဌာန်းခွင့်ရရှိရေး၊ အမျိုးသားစည်းလုံးညီညွတ်ရေးနှင့် ဖွံ့ဖြိုးတိုးတက်ရေး၊ ပြည်နယ်ပေါင်းစု ဖယ်ဒရယ် ပြည်ထောင်စုတည်ရေးနှင့် ထာဝရငြိမ်းချမ်းရေးတို့အတွက် အကောင်အထည်ဖော် လုပ်ကိုင်သွားမည့်အပြင် မူးယစ်ဆေးဝါး ရောင်းဝယ် ဖောက်ကားမှု၊ စိုက်ပျိုးမှုနှင့် ထုတ်လုပ်မှုများကို လုံးဝခွင့်မပြု၊ မှုယစ်ဆေးဝါးတိုက်ဖျက်ရေးအတွက် မူးယစ်ဆေးဝါး တိုက်ဖျက်ရေး အေဂျင် စီများနှင့် ပူးပေါင်းလုပ်ဆောင်သွားမည်ဟု ထုတ်ပြန်ချက်တွင် ပါရှိသည်။

 အဆိုပါ လူထုအစည်းအဝေးသို့ မြို့နယ် ၁၀မြို့နယ်မှ လူထုကိုယ်စားလှယ်နှင့် လေ့လာသူ ၅၀၀ကျော်၊ ဗုဒ္ဓဘာသာ ရဟန်းတော်များ၊ ခရစ်ယာန် သိက္ခာတော်ရ ဆရာတော်များ၊ မဟာမိတ်များဖြစ်ကြသည့် NLD-LA, BLC, FTUB, NCUB, AASYC နှင့် SSA-N တို့မှ ကိုယ် စားလှယ်များ တက်ရောက်ခဲ့ကြသည်။

DKBA အဖွဲ့သည် ၁၉၉၄ခုနှစ်တွင် ကရင်အမျိုးသားအစည်းရုံး (KNU) မှ ခွဲထွက်ကာ အစိုးရနှင့် ၁၅နှစ်ကြာ လက်တွဲခဲ့ပြီး ၂၀၁၀ခုနှစ် သြဂုတ်လတွင် နအဖစစ်အစိုးရ၏ နယ်ခြားစောင့်တပ် ဖွဲ့စည်းရေးကို အများစုက လက်ခံခဲ့ကြသည်။

ဗိုလ်ချုပ်စောလားပွယ်ဦးဆောင်သည့် DKBA ကလို့ထူးဘောဗျူဟာအဖွဲ့ကမူ နယ်ခြားစောင့်တပ်ကို လက်မခံဘဲ စစ်အစိုးရ၏ ၂၀၁၀ ရွေးကောက်ပွဲကို ဆန့်ကျင်ကာ နိုဝင်ဘာလ (၈)ရက်နေ့တွင် အစိုးရအား ပြန်လည်ခုခံတော်လှန်ခဲ့ပြီး နိုဝင်ဘာလ ၃ရက်နေ့တွင် ဦးအောင်သောင်း ဦးဆောင်သည့် ပြည်ထောင်စုအဆင့် ငြိမ်းချမ်းရေး ကိုယ်လှယ်အဖွဲ့တို့နှင့် အပစ်အခတ်ရပ်စဲရေးအတွက် ပဏာမ သဘောတူ လက်မှတ်ရေးထိုးခဲ့ကြသည်။

တနင်္လာနေ့၊ ဧပြီလ 02 ရက် 2012 ခုနှစ် ရွှေဟင်္သာ သတင်း - ရွှေဟင်္သာ သတင်းဌာန  

အမေရိကန် နိုင်ငံခြားရေး ၀န်ကြီး မစ္စ ကလင်တန်သည် တရားမျှသည့် ရွေးကောက်ပွဲဖြစ်ရန် မဲပေးရာ၌ ဖြစ်ပေါ်ခဲ့သည့် မသမာမှုများကို အရေး ယူရန် လိုအပ်ကြောင်း Istanbul မြို့မှာ ကျင်းပသည့် ဆီးရီးယား အရေး အစည်းအဝေးမှာ မြန်မာ အစိုးရသို့ တိုက်တွန်းကြောင်း သတင်းထောက် များကို ပြောကြား သွားပါသည်။

“လွန်ခဲ့တဲ့ လတွေတုန်းက ဖြစ်ပေါ်ခဲ့တဲ့ အပြောင်းအလဲတွေကို ကောက်ချက်ချဖို့ အလွန်စောနေသေးပါတယ်။ ဒီတိုးတက် ဖြစ်ထွန်းမှုတွေ ရေရှည် အနေနဲ့ ဆက်လက် တည်တံ့သွားဖို့ ကျွန်မမျှော်လင့်ပါတယ်။ မြန်မာပြည် ကြီး ဘယ်လို အစီအစဉ်တွေ ချမှတ်ပြီး ရှေ့ဆက် သွားနေလဲဆိုတာ တိကျခိုင်မာတဲ့ အာမခံချက် မရှိ သေးပါဘူး။ ဒေါ်အောင်ဆန်းစုကြည် အောက် လွှတ်တော်မှာ အမတ်တစ်နေရာ ရခဲ့တာကို ကျွန်မတို့ အမေရိ ကန်အနေနဲ့ ကြိုဆို ထောက်ခံပါတယ်။ ရွေးကောက်ပွဲ အတွင်း ဖြစ်ပေါ်ခဲ့တဲ့ မသမာမှုတွေကိုလည်း အစိုးရက နေပြီး ပွင့်လင်းမြင်သာမှု ရှိစွာနဲ့ အရေးယူ ဆောင်ရွက်ပေးမယ်လို့လည်း ကျွန်မတို့ မျှော်လင့်ပါတယ်” ဟု သတင်းထောက် များအားပြောကြားသွားပါသည်။

ဧပြီလ တစ်ရက်နေ့တွင် မြန်မာနိုင်ငံ၌ ကျင်းပခဲ့သည့် ကြားဖြတ် ရွေးကောက်ပွဲကိုလည်း အမေရိကန်နိုင်ငံနှင့် အတူ ကလင်တန် ကိုယ်တိုင်လည်း စိတ်ဝင် တစား စောင့်ကြည့်နေ ခဲ့ကြောင်း ပြောပါသည်။

ဤရွေးကောက်ပွဲနှင့် ပတ်သက်ပြီးသူ ထင်မြင်ချက် ပေးရာ၌ “မြန်မာနိုင်ငံနဲ့ ပတ်သက်လို့ ကျမ စကား နည်း နည်းပြောချင် ပါတယ်။ ဒီကနေ့ ကျင်းပတဲ့ လွှတ်တော် ရွေးကောက်ပွဲကို ကျမ စိတ်ဝင်တစား စောင့်ကြည့် နေတာပါ။ ရလဒ်တွေကို တရားဝင် ထုတ်ပြန်မကြေညာ သေးပေမဲ့ ဒီရွေးကောက်ပွဲမှာ ပါဝင်ဆင်နွှဲခဲ့ကြတဲ့ မြန်မာပြည်သူတွေ ဒီလူတွေ အများစုက ပထမဆုံးအကြိမ် ပါဝင်ခဲ့ကြသူတွေပါ၊ နောက်မဲဆွယ် လှုပ်ရှားမှုတွေနဲ့ ရွေးကောက်ပွဲ ဖြစ်စဉ် တလျှောက် ပါဝင်ခဲ့ကြသူ တွေ၊ သူတို့အားလုံးကို ချီးကျူး ဂုဏ်ယူပါတယ်။ ဒီလို ပြုပြင် ပြောင်းလဲရေး ကြိုးပမ်းမှုတွေကို ထောက်ခံ အားပေးသွားဖို့ လည်း ကျမတို့တတွေ အခိုင်အမာ ဆုံးဖြတ်ထား ပါတယ်” ဟု အစည်းအဝေး၌ အတိအလင်း ကြေငြာပြောကြား သွားပါသည်။

ထို့အတူ အမေရိကန်သမ္မတ မစ္စတာ အိုဘားမားလည်း ဤနှစ်မကုန်မှီ မြန်မာနိုင်ငံကို အလည်လာရန်ရှိသည်ဟု အိမ်ဖြူတော်က ယမန်နေ့၌ ထုတ်ပြန်ခဲ့ပါသည်။ မြန်မာအစိုးရအနေနှင့် ဤကဲ့သို့ ပွင့်လင်းမြင်သာသော ပြုပြင် ပြောင်းလဲမှုကို ဆောင်ရွက်ခဲ့သည့်အတွက် အမေရိကန်အနေနှင့် မြန်မာကို အထူးဆက်ဆံရေးမျိုး ထားရှိသွား မည်ဟု မြန်မာနိုင်ငံဆိုင်ရာ အမေရိကန် အထူးကိုယ်စားလှယ် မစ်ရှယ်က မြန်မာ အစိုးရကိုပြောခဲ့ကြောင်း လွှတ်တော် အမတ်တဦးက ပြောခဲ့ဘူးပါသည်။

သို့သော် မြန်မာအစိုးရမျှော်မှန်းသော စီးပွားရေး ပိတ်ဆို့မှု လျှော့ချရေးနှင့် အမေရိကန်နှင့် ဆက်ဆံရေးကောင်း မွန်ရေး အပေါ်မည်မျှ အကျိုးသက်ရောက် လာမည်ကိုမူ စောင့်ကြည့်ရန်သာ ရှိပါသည်။